VIGO
Vigo é a maior cidade da provincia de Pontevedra, en Galicia. Situada nas Rías Baixas, experimentou un desenvolvemento urbano sen precedentes nos últimos anos. Ademais, é a única universidade pública galega na que se oferta o Grao en Tradución e Interpretación. Que mellor lugar para celebrar o XXI ENETI en 2024?
Imos contarche un pouquiño máis sobre esta cidade tan fermosa, os seus mellores recunchos, puntos de interese e tamén os lugares onde se celebrará o ENETI.
ONDE VAI TER LUGAR O ENETI?
RELATORIOS E OBRADOIROS
FACULTADE DE FILOLOXÍA E TRADUCIÓN
A alma mater do XXI ENETI 2024 é a Universidade de Vigo. Situada nas aforas da cidade, o campus Lagoas-Marcosende, é probablemente un dos lugares máis fermosos nos que estudar Tradución e Interpretación, en pleno contacto coa natureza.
TURISMO EN VIGO
AS PRAIAS DE SAMIL
Samil é a estrela das praias con bandeira azul de Vigo. Esténdese ao longo de 1,5 km de costa e ofrece espazos de lecer e comodidades de todo tipo: terrazas, merendeiros, aparcadoiro, restaurantes, paisaxes incribles… Ideal para desconectar do bulicio da cidade!
